- На прасечката плешка и ги отстрануваме коските и ребрата. Месото го засекуваме на повеќе места за да добиеме рамна површина. Посолуваме, и наросуваме мелен црн пипер и 1 лажица мешан зачин К+. Го виткаме месото во ролат и оставаме да ги впие зачините.
- Кифлите ги кинеме на парчиња, ги ставаме во длабока чинија и преливаме со вода. Откако ќе омекнат со раце ја истиснуваме водата и ги ставаме исцедените кифли во длабок сад.
- Шампињоните ги сечкаме на листови, а колбасите на кругови, и ги додаваме во садот. Половина од морковите ги сечкаме на коцки, а магдоносот ситно го сечкаме, па и нив ги додаваме во садот. Јајцата ги кршиме и ги додаваме во садот. Посолуваме и наросуваме мелен црн пипер. Го додаваме преостанатиот мешан зачин и го промешуваме филот.
- Месото го одвиткуваме и на него го нанесуваме филот. Преостанатите моркови и краставичката ги сечкаме на тенки долгнавести парчиња, ги распоредуваме врз филот и го наросуваме мајоранот. Од потесната страна го виткаме филуваното месо во ролат. Зацврстуваме со готварски конец.
- Го ставаме ролатот во тава за печење намрсена со масло. Во тенџере со 1 литар вода го размешуваме прашокот за сос за печење и го преливаме ролатот. Преливаме и со виното, ја покриваме тавата со алуминиумска фолија и ја ставаме во рерна. Печеме 3 часа на 200 степени. 15 минути пред крајот на печењето ја отстрануваме фолијата.
- Тавата со поруменетиот ролат ја вадиме од рерна. Го отстрануваме конецот и го сечеме ролатот на парчиња. На чинија за сервирање ставаме едно парче ролат. Додаваме претходно испржени кругови компири и декорираме со гранчиња француски магдонос.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит.