Selsko-tavce-(6)

Селско Тавче

Свинско со кромид, домат, суви пиперки, сенф и бело вино, прекриено со парчиња кашкавал и испечено во керамичка тава. Тавче за мерак, да не може човек да му најде мана, а белким вие не сте толку суетни што сте од град.

Потребно е:

– 800 г свинска кртина
– 500 г свежи шампињони
– 250 г кромид
– 150 г домат
– 5 суви везени пиперки
– 200 мл бело вино
– магдонос
– 300 г парчиња кашкавал
– 1 лажица сенф
– 1 лажица мешан зачин К+
– масло за јадење
– Хималајска сол и црн пипер

Подготовка:

  1. Месото го сечкаме на коцки и го пржиме на загреано масло во тенџере на оган.
  2. Главиците кромид покрупно ги сечкаме и ги додаваме во тенџерето со полу испрженото месо. Откако и кромидот ќе се запржи доматот го сечкаме на коцки, сувите пиперки на парчиња, а шампињоните на половинки и ги додаваме во тенџерето. Магдоносот покрупно го сечкаме, па и него го додаваме во тенџерето. Посолуваме и наросуваме мелен црн пипер.
  3. Ги додаваме сенфот, белото вино, околу 200 мл вода и мешаниот зачин К+. Промешуваме и го тргаме тенџерето од оган.
  4. Содржината од тенџерето ја ставаме во керамичка тава за печење. Врз неа ги редиме парчињата кашкавал и ја покриваме тавата со алуминиумска фолија. Ја ставаме тавата во рерна. Печеме 90 минути на 180 степени и ја вадиме од рерна.
  5. На чинија за сервирање ставаме од Селското тавче и декорираме со гранчиња француски магдонос.

 

Со ова јадење ви предлагаме да се напиете квалитетно суво црвено вино. Се служи на температура од 18-20 степени.

Добар апетит

Погледнете го видеото!

Leave a Reply

Your email address will not be published.

Слични рецепти: