Spageti-so-sos-od-caden-pileski-stek-(4)

Шпагети Со Сос Од Чаден Пилешки Стек

Многу вкусни и миризливи шпагети.

Потребно е:

– 400 г шпагети
– 200 г чаден пилешки стек
– 500 мл млеко
– 200 мл кисела павлака
– 100 г сирење
– 3,5 лажици брашно
– 1 лажица мешан зачин К+
– масло за јадење
– Хималајска сол

Подготовка:

  1. Чадениот пилешки стек го сечкаме на коцки и го пржиме на загреано масло во тава на оган.
  2. Откако месото ќе се испржи го додаваме брашното и мешаме со лажица. Во тавата со испрженото брашно ги додаваме млекото и мешаниот зачин К+. Откако сосот ќе ја добие потребната густина на ситната страна од рендето во тавата го рендаме сирењето. Ја додаваме киселата павлака, промешуваме и ја тргаме тавата од оган.
  3. Зовриената вода во тенџере на оган ја посолуваме и додаваме масло. Во водата ги вариме шпагетите и ги цедиме во цедалка.
  4. На чинија за сервирање ставаме од исцедените шпагети и ги преливаме со сосот од чаден пилешки стек. Декорираме со листови магдонос и тенки долгнавести парчиња црвена пиперка.

 

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published. Required fields are marked *

Слични рецепти: