- Во тенџере со 500 мл зовриена вода на оган ја ставаме коцката да се вари супа.
- Свинското филе го сечкаме на коцки, го пржиме на загреано масло во друго тенџере на оган и посолуваме. Главиците кромид ситно ги сечкаме и ги додаваме во тенџерето со испрженото месо. Откако кромидот ќе омекне додаваме половина од путерот. Шампињоните ги сечеме на половина и ги додаваме во тенџерето. Пиперката и доматот ги сечкаме на коцки, и ги додаваме во тенџерето со запржените шампињони. Откако ќе се запржат ги додаваме виното, мешаниот зачин и сенфот, и наросуваме мелен црн пипер. Магдоносот ситно го сечкаме и го додаваме во тенџерето. Ја додаваме киселата павлака и го тргаме тенџерето од оган.
- На преостанатиот путер во тава на оган го пржиме брашното и ја додаваме супата од коцка. Размешаната запршка ја додаваме во тенџерето.
- Потоа содржината од тенџерето ја ставаме во земјена тава. Ја ставаме тавата во рерна. Печеме 40 минути на 180 степени и ја вадиме од рерна.
- На чинија за сервирање ставаме од Свинското со печурки во земјена тава и декорираме со ситно сечкан француски магдонос.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит.