Testenini-vo-sos-od-topeno-sirenje-(3)

Тестенини во Сос од Топено Сирење

Тестенините секогаш се одлично решение за брза и лесна вечера, па макар биле и само со кечап. Но, зошто да не пробате и нешто ново, особено кога е проверено добро. А, овие со сосот од топено сирење, шитаке печурки и пилешки гради се многу повеќе од добри, и готови за само 30-тина минути.

Потребно е:

– 500 г спирални тестенини
– 8 парчиња топено сирење
– 300 г саламурен пилешки стек
– 100 г шитаке печурки
– 300 мл млеко
– ½ лажица оригано
– масло за јадење
– Хималајска сол и црн пипер

Подготовка:

  1. Зовриената вода во тенџере на оган ја посолуваме и додаваме масло. Во водата ги вариме тестенините и ги цедиме во цедалка.
  2. Печурките ги сечкаме на парчиња и ги запржуваме на загреано масло во тава на оган. Пилешкиот стек го сечкаме на ситни коцки и го додаваме во тавата. Посолуваме, наросуваме мелен црн пипер и го додаваме ориганото.
  3. Во тавата со обеленото месо ги додаваме млекото и топеното сирење, и промешуваме. Откако месото ќе омекне и сосот ќе ја добие потребната густина ја тргаме тавата од оган.
  4. На чинија за сервирање ги ставаме исцедените тестенини. Врз нив го нанесуваме сосот од топено сирење и декорираме со листови црвена марула.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: