1. Почнуваме со подготовка на филот. Во тенџере на оган ја ставаме водата. Чоколадата ја кршиме на парчиња и ја додаваме во тенџерето. Потоа ги додаваме какаото, шеќерот и 250 г маргарин, и мешаме со лажица.
2. Откако состојките ќе се растопат го тргаме тенџерето од оган. Оставаме смесата да се излади. Почнуваме со подготовка на пандишпанот. Јајцата ги кршиме и ги делиме белките од жолчките. Ги матиме белките со миксер.
3. Во садот го додаваме шеќерот и матиме додека не се растопи. Потоа ги додаваме брашното и 4 лажици од изладената подготвена смеса. Мешаме со лажица додека смесата не се соедини. Во тавата од рерна, обложена со хартија ги нанесуваме сечканите ореви.
4. Потоа во тавата ја нанесуваме подготвената смеса за пандишпанот. Ја ставаме тавата во рерна. Печеме 20 минути на 180 степени и ја вадиме од рерна. Продолжуваме со подготовка на филот. Во сад за матење со миксер ги матиме преостанатите 300 г маргарин.
5. Ги додаваме жолчките и матиме додека смесата не стане пенста. Потоа ја додаваме преостанатата смеса од тенџерето и матиме со миксерот додека филот не се соедини. Изладениот пандишпан го вадиме од тавата и му ја отстрануваме хартијата.
6. Го сечеме пандишпанот на 3 еднакви ленти по широчина и им ги отсекуваме краевите. На послужавник ја ставаме првата лента пандишпан и ја премачкуваме со фил. Врз филот ја ставаме втората лента пандишпан и ја филуваме.
7. Прекриваме со третата лента пандишпан и целата торта ја премачкуваме со фил. Со слаткарска кеса наполнета со преостанатиот фил ги украсуваме страничните длеови и краевите на горната површина на тортата. Декорираме со три шеќерни цветови и осум шеќерни листови.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.