Volgogradsko-pilesko

Волгоградско Пилешко

Зошто баш Волгоградско не знаеме, но знаеме дека вкусот е неверојатен!

Потребно е:

300 г пилешки гради
200 мл кисела павлака
70 г кромид
40 г путер
½ врзоп копар
1 лимон
1 јајце
2 лажици брашно
1 пилешка коцка за супа
Хималајска сол и црн пипер

Подготовка:

  1. Во тенџере со 500 мл зовриена вода на оган ја ставаме коцката да се вари супа.
  2. Пилешките гради ги сечеме на тенки парчиња. Ги посолуваме и ги наросуваме мелен црн пипер.
  3. Потоа ги пржиме на растопениот путер во тава на оган. Откако ќе се испржат од двете страни ги вадиме парчињата месо од тавата и ги ставаме на чинија.
  4. Ситно сечкаме ½ главица кромид и го пржиме на преостанатата мрснотија во тавата на оган.
  5. Откако кромидот ќе омекне го додаваме брашното и промешуваме за да не загори. Лимонот го цедиме во цедалка и го додаваме лимоновиот сок во тавата со испрженото брашно. Ја додаваме и супата од коцка. Копарот ситно го сечкаме и го додаваме во сосот.
  6. Потоа во тавата ги додаваме испржените парчиња пилешки гради и динстаме 15-тина минути.
  7. Откако месото ќе омекне и сосот ќе ја добие потребната густана ја тргаме тава од оган. Ги вадиме парчињата пилешко од тавата и ги ставаме на чинија.
  8. Јајцето го кршиме и ја делиме белката од жолчката. Ја матиме жолчката со жица и ја додаваме во садот со киселата павлака.
  9. Размешаната павлака ја додаваме во тавата и го промешуваме сосот со жицата.
  10. На чинија за сервирање ставаме претходно сварени резанки. Врз нив сервираме 2 парчиња пилешко. Потоа на чинијата нанесуваме од сосот од тавата. Декорираме со претходно подготвени триаголници од лушпа од краставица и спирали од морков.

Со ова јадење ви предлагаме да се напиете квалитетно суво бело вино.

Се служи на температура од 10-12 степени.

Погледнете го видеото!

Leave a Reply

Your email address will not be published.

Слични рецепти: