1. Зајакот го сечеме на три поголеми парчиња и ги отсекуваме задните бутчиња на зајакот. На повеќе места ги боцкаме парчињата зајак со нож. Сланината ја сечкаме на коцки. Со коцки сланина ги полниме засеците во парчињата зајак.
2. Шпикуваното месо го посолуваме и го наросуваме со мелен црн пипер. Главицата зелка ја разлистуваме и на листовите им ги отсекуваме кочаните. Секое парче зајак го свиткуваме во еден лист зелка.
3. Средишниот дел на главицата зелка ситно го сечкаме и го пржиме на загреано масло во тава на оган. Ги додаваме преостанатите парчиња сланина и мешаниот зачин К+. Откако зелката ќе се испржи ја тргаме тавата од оган. Ја ставаме зелката во огноотпорен сад.
4. Врз неа ги редиме парчињата зајак, попрскуваме со масло и преливаме со виното. Во садот со киселата павлака додаваме масло и мешаме со лажица. Ја нанесуваме размешаната павлака на парчињата зајак и го ставаме огноотпорниот сад во рерна.
5. Печеме 2 часа на 200 степени и го вадиме од рерна. На чинија за сервирање ставаме од подварокот. Месото го сечеме на помали парчиња, скалесто ги сервираме на подварокот и преливаме со течноста од огноотпорниот сад.

Со ова јадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.